Korleis er det å gå på jobb når du er redd for kva som møter deg? Korleis er det å bli skjelt ut av pårørande? Er det greitt at nokon spyttar på deg når du er på jobb? Vald og truslar er ein del av arbeidskvardagen til mange som jobbar i helsesektoren. Vald og truslar kan, og skal førebyggast. Dette skal vi snakke om på samlinga.
Tromsø: Vald og truslar i heimetenesta og sjukeheim
Målet med samlinga er at de blir betre til å jobbe kunnskapsbasert og systematisk med å verne arbeidstakarane mot vald og truslar på arbeidsplassen. Medverknad og verdien av samarbeid mellom leiar, verneombod, tillitsvalde og tilsette er sentralt for å lukkast med førebygging av vald og truslar. De skal også kjenne til bedriftshelsetenesta si rolle og deira bidrag i dette arbeidet.
Innhald
Seminaret vil gje deltakarane innblikk i kva krav som blir stilt i lov og forskrift knytt til vald og truslar. Kva erfaringar har Arbeidstilsynet etter tilsyn og kva ser vi etter?
Som deltakar vil du også få diskutere kjente risikoforhold i bransjane og korleis desse påverkar arbeidsmiljøet. Vi vil snakke om betydninga av å jobbe kunnskapsbasert, systematisk og førebyggande med arbeidsmiljøet. Medverknad og partssamarbeid står sentralt i dette arbeidet. De får også tips om verktøy og rettleiingsmateriell som kan brukast i arbeidsmiljøarbeidet.
Program for dagen kjem.
Målgruppe
HMS-gruppene i sjukeheim og heimetenesta: leiar, verneombod og tillitsvalde. På samlinga vil det bli gruppediskusjonar innan eigen HMS-gruppe, så både leiar, verneombod og tillitsvald må melde seg på.
E-læring om vald og truslar som førebuing til samlinga
Fire veker før den fysiske samlinga vil du få lenke til ei e-læring om vald og truslar. Samlinga vil bygge på innhaldet i e-læringa.
I e-læringa får du ei innføring i kva arbeidsmiljøregelverket seier om førebygging av vald og truslar og korleis de som leiar, verneombod og tillitsvald kan jobbe saman om førebyggingsarbeidet i praksis. Du kan velje å gjennomføre e-læringa individuelt eller saman som gruppe.
Du/de i HMS-gruppa må sette av minimum ein time for å gå gjennom e-læringa som førebuing. Tidsbruk vil kunne variere. Når du får e-læringa tilsendt vil du få informasjon om korleis du skal logge deg inn.
Påmelding
Det er gratis å delta på samlinga, men du må melde deg på saman med resten av HMS-gruppa på din arbeidsplass.
Velkomen!
