Krav til soverom på arbeidsplassen

Dersom arbeidstakarane må sove på eller i tilknytning til arbeidsstaden på grunn av arbeidet og arbeidsoppgåvene, skal arbeidslokala ha soverom.  

Soverom skal vere planlagde og utforma slik at verksemda skal kunne sysselsette både kvinner og menn.

I soverom skal det ikkje vere plassert eller installera anna utstyr enn det som er knytt til den naturlege aktiviteten i rommet. Det betyr at det som hovudregel ikkje er akseptert å blande ulike funksjonar, som soverom og spiserom, i same rom.

Soverom skal vere hensiktsmessig plassert, dimensjonert og innreidd

Soverom på arbeidsplassen

  • skal ha tilgang til toalett og vaskerom eller dusj med kaldt og varmt vatn
  • skal vere stort nok til at brukaren kan bevege seg fritt og ha tilstrekkeleg plass for å oppbevare klær, sko og private eigendelar
  • bør ha tilstrekkeleg plass til å kunne innreiast med bord og stol
  • bør ha plass til å oppbevare mat og drikke
  • bør vere plassert slik at brukaren blir minst mulig forstyrra
  • bør vere enkeltrom og ikkje ha gjennomgang til andre rom som andre arbeidstakarar brukar
  • bør ha vindauge som kan opnast

Regelverk

Krav til at bygnings- og utstyrsmessige forhold skal vere fullt forsvarlege: arbeidsmiljølova § 4-4 første ledd

Krav til plassering av personalrom og Arbeidstilsynets kommentarar til arbeidsplassforskrifta kapittel 3-1

Generelle krav til korleis personalrom, for eksempel soverom, skal dimensjonerast og innreiast: arbeidsplassforskrifta § 3-2

Følg gjerne dei preaksepterte løysingane frå Arbeidstilsynet

Planlegg og innrett gjerne tiltaket/bygget i samsvar med dei preaksepterte (førhandsgodkjende) løysningane til Arbeidstilsynet. Da sikrar de at krava er oppfylde. Det aukar sjansen for å få samtykke frå Arbeidstilsynet.

Last ned og sjå Arbeidstilsynets preaksepterte løysningar i skjemaet for eigenerklæring

Søk om samtykke frå Arbeidstilsynet